نصائح من خبيرة التجميل وئام حسان
للعروس
قبل الزفاف بشهرين او اقل


نــصــائح عــامــة :


1- الاكثار من تناول الفاكهة والخضراوت
2- تناول البروتينات مثل اللحمةوالفراخ بمعدل قطعة واحدة يوميا وتناول الفسفور بجميع انواعه الموجود فى جميع انواع السمك
3- البعد عن النشويات والبلح والتمر لانهم بيزودا فى الوزن
4- البعد عن الملح والتقليل منه لانه بيزود فى الوزن حوالى 4 كيلو جرام
5- النوم مبكرا لتتجنبى الهالات السودة تحت العين وان بشرتك تكون مرهقة
6- الاكثار من شرب الماء يوميا
7- شرب يوميا عالريق كوب ماء دافىء وتذوبى فيه ملعقة خميرة
سوف يعطى بشرتك تفتيح ونقاء وصفاء للبشرة لان الخميرة مفيدة جداا ومتخفيش الخميرة
مش حتجعللك تزيدى فى وزنك ومن فوائد الخميرة ايضا انها تنقى المعدة
8- يجب عليكى ازالة الماكياج قبل النوم لان البشرة بليل بتتنفس
مزيل طبيعى للمكياج وهو:
ضعى على قطعة قطنة زيت لوز حلو وقومى بازالة الماكياج ثم غسل الوجه جيدا

9- حاولى البعد عن التوتر والعصبية بقدر الامكان
عليكى القيام بالاتى قبل النوم
املئى البانيو بماء دافىء وضعى فى الماء ملعقة زيت لافندر او الخزامى  بيبقى موجود عند العطار
واسترخى فى البانيو لمدة ربع ساعة فقط وبعدها ادخلى نامى سوف تشعرين باسترخاء لان الافندر بيساعد على الاسترخاء

10- من المعروف فى الفترة دى بأن العروس بتخرج كثيرا للانتهاء من استكمال المستلزمات وتتعرض للشمس
فلابد من وضع صن بلوك مناسب لنوع بشرتك ع بشرة الوجة لتجنب أشعة الشمس
والصن بلوك مش بتضعى عالبشرة فقط لا بتضعيه ايضا عبشرة الوجه وكف اليدين وكف القدم عشان مش يتأثروا بأشعة الشمس ويغمقوا

نـصائـح خـاصـة:

النصائح الخاصة دى عبارة عن العناية بنفسك ازااى تكوون؟ بداية من الشعر الى القدم

اولا الشعر :
يجب استخدام حمام كريم لتغذية وتطرية الشعر تستخدميه كل لما تيجى تغسلى شعرك

حمام الكريم

انواع حمامات الكريم الكويسه
فى القمة : ماركة لوريال وماركة جولدن فلاورز
فى حمامات كريم* لتغذية الشعر مثل ماركة توب ميكس حلو جداااا top mix الأفضل * لتطرية الشعر افضلهم حمام كريم لتطرية الشعر بالكرياتين بس تجبيبه نوعه ايطالى حمام كريم لتطرية الشعر عن تجربة ينعم الشعر ويوقف تساقطه ويطول الشعر ايضا اسمه جولدن فلاورز golden flowers لون العلبة روز ومكتوب عليها باللون الازرق الغامق ولون الغطاء ازرق غامق طريقة الاستخدام : يوضع ع الشعر فقط وليس الفروة لانه لو وضع ع الفروة يكون قشرة تضعيه ع الشعر لمدة 10 دقائق ويشطف الشعر بعده ويستخدم بعد الشامبو ولو حتستخدمى بلسم يبقى بلاش حمام كريم تختارى بين البلسم وحمام الكريم
هاااام جدا:يجب عند شراء حمام الكريم تشوفى تاريخ انتاجة وصلاحيته وانتهائه عشان مش يكون صلاحيته انتهت فيوقع ليكى شعرك عن تجربة من بنت خالتى

ثانيا البشرة:
1-لو البشرة فيها حبوب وأثار الحبوب يجب تعالجيها قبل الفرح ب3 شهور
2- قومى بعمل حمام بخار لتنظيف البشرة قبل الزفاف باسبوع وايضا بيوم واحد قبل الزفاف مرة اخرى
قومى بالأتى :

طريقة تنظيف البشرة بعمل حمام بخار
فالبيت دوون الذهاب للكوافير

المكونات :

جهاز بخار او تضعى حلة ع النار وتضعى وجهك فوقها بحيث يطلع البخار على وجهك + تربطى شعرك بايشارب عشان مش يتقصف من البخار + اداة تنظيف البثور + قطن + ماسك لسنفرة البشرة + ماسك لتغذية البشرة

الطريقة:

1- تضعى وجهك على جهاز البخار من ربع الى نص ساعة عشان المسام تتفتح

2- تستخدمى أداة تنظيف البثور فيها نحيتين نحية طخينة ونحية رفيعة تستخدمى النحية الرفيعة

3- تمسكى اداه تنظيف البثور بيد واليد الأخرى قطعة قطنة صغيرة

4- تمسكى اداة تنظيف البثور وتنظفى بها الرؤؤس السودة تضعى الحرف الرفيع من الاداة ع الرؤؤس السودة وكأنك بتشيلى وتنتطرى الرؤؤس السودة بالاداه لفوق ولما تطلع الرؤؤس السودة فى اداه التنظيف تمسكى القطنه وتمسحيها وتعملى كده على كل الرؤؤس السودة وتضغطى ع جانب الانف فى النحيتين اليمين والشمال اللى داخلين جوة جانب الانف

5- يجى دور سنفرة البشرة
لازاله الجلد والخلاياالميته تفركى الوجه ممكن بيدكى او بقطعة قطنة توجهى اليد او القطنة وانتى بتنظفى لبرة اى تبدئى من اى جزء تنتهى بقطنة او بيدك لبرة اى للذقن اى من فوق لتحت اى من القورة الى جانب الوجه الى الذقن و من جناب الأنف والخدود لبرة اى لللأذن فى حركات دائرية

*سنفرة للبشرة الجافة والعادية :
ملعقتين لوز مطحون مرمل + ملعقة صغيرة عسل + نص ملعقة صغيرة عصير برتقال تخلطى الخليط جيدا وتضعى ع الوجه لمدةربع ساعة وبعدين تفركى وجهك ببطن اصابع يدك وتشطفيه بالماء الدافىء وللبشرة الحساسة تتركه لمدة 3 دقائق فقط

* سنفرة للبشرة الدهنية والمختلطة :
ملح + سكر بنسب متساوية + ليمون تخلطى الخليط جيدا وتتركيه ع الوجه لمدة ربع ساعة وبعدين تفركى وجهك ببطن اصابع يدك وتشطفيه بالماء الدافىء وبعدين تفركى وجهك ببطن اصابع يدك وتشطفيه بالماء الدافىء

6- يجى دور ماسك لتغذية البشرة
لجميع انواع البشرة
ملعقة عسل أبيض+ ملعقة لبن بودرة او حليب تستخدمى لو نوع بشرتك جافة او عادية لبن كامل الدسم ولو بشرتك دهنيه او مختلطة لبن خالى الدسم ولو بشرتك حساسه اى نوع لبن بودرة مش حتفرق وتضعيها ع الوجه لمدة تلت ساعة وبعدين تفركة ووجهك ببطن اصابع يدك وتشطفى وجهك بالماء البارد


7- مرحلة قفل المسام مهمة جداااااااااااااااااااا
مروووووووور مكعب ثلج ع الوجه كله وياريت لو مكعبات ثلج ماء ورد او شطف الوجه كزا مرة بمية الورد الساقعة


**يجب تعملى تنظيف البشرة مرة بالشهر وتحذير كثرة استخدام تنظيف البشرة بالبخار فى فترات متقاربة تعمل على توسيع المسام للبشرة


3- عليكى بتفتيح البشرة من خلال :
* غسول يومى لتفتيح البشرة وهو
غسول لتفتيح البشرة بمية الأرز لجميع أنواع البشرة هى وصفة يابانية (وصفة الارز المسلوق )
تسلقى الارز فى لتر ماء حوالى كوب ارز ثم تصفيه لما يتسلق كويس سوف يشبة الشوربة اللزجه وتضعيه فى زجاجة زجاج وفالثلاجة ويستخدم وتستخدميها يوميا كغسول لبشرتك وتسيبه مية الارز تنشف عالبشرة بتعمل على شد البشرة ايضا
* عمل ماسك3 مرات بالاسبوع وهو
لجميع انواع البشرة وتنعيمها وتفتيحها وتنظيفها بعمق:
ملعقة ماء+ ملعقة خميرة وتذوبيهم جيدا معا+ ملعقة دقيق+ ملعقة عسل ابيض + ملعقة عسل وتخلطيهم جيدا وتوضع عالبشرة لمدة ساعة ويفرك الوجهه ببطن اصابع اليد ثم يشطف بالماء البارد
وصفة الماسك ده من خبيرة التجميل نانيس سليم حفاظا للحقوق الملكية والفكرية انا قلت الماسك ده جيبهالكم منين ؟
فوائد مقادير الماسك انا اللى حقول فوائدة ايه؟ اى خبيرة التجميل وئام حسان حتقولكم فوائد الماسك ده ايه؟
فوائد الماسك هو :
الماء للخلط ، العسل واللبن لتغذية البشرة ، الدقيق للتفتيح ، الخميرة للتفتيح وتصفية وتنقية البشرة

ثالثا اليدين :

عليكى بلبس جوانتى للحفاظ عاليدين والاظافر عند القيام بغسيل المواعين مثلا وتنظيف البيت وتسىء الارض بالماء وخصوصا فى بيت اهللك وتنظيف شقتك قبل العفش ما يوضع فالشقة ان شاء الله
*لوسيون لنعومة الايدى فقط
يستخدم يوميا

المقادير :
8 ملاعق ماء ورد+ 3 ملاعق جلسرين+ ملعقة عصير برتقال+ملعقتين ليمون + ملعقة خل تفاح+ 3 ملاعق سبرتو ( الكحول ) من الصيدليه

الطريقة :
تضعيهم كلهم على بعض وتقلبيهم جيدا ولازم فى حاجة زجاج ولونها فاتح مش غامق عشان فيها ليمون وخل تفاح وعصير برتقال

فوائد المقادير :
ماء الورد يعطى نضارة و الجلسرين وخل التفاح ينعم و البرتقال والليمون بيفتح و السبرتو يثبت الماسك

**تضعيه ع الايدى وعقل الاصبع اكيد وبطن اليدين عشان بطن اليدين المعروف ان الجلد فيها سميك وبتبقى خشنة انتى لو وضعتيه ع يدك من نحية الكف وبطن اليدين وعقل الاصبع والاصاابع بأكملها مع الاستمرار حتلاقى يدك بقت ناعمة وفاتحى واعملى الطريقة دى مع اى كريم مرطب او اللوسيون ده او ماسك لتغذية اليدين تضعى اللوسيون ده لمدة ساعة وبعد الساعة تشطفيه بالماء فقط يومياا ولازم بعد غسيل المواعين ترطبى الأيدى بكريم مرطب او اللوسيون ده مع عدم التعرض للشمس لو استخدمتى اللوسيون و قبل النوم تستخدميه وفى اى وقت بس شرط فى خلال ساعة مش تضعى يدك فى مية:-)

يستخدم الماسك ده لتغذية اليدين 3 مرات بالاسبوع ويوضع فالثلاجة ويستخدم
*ماسك شمع العسل لتغذية ونعومة اليدين فقط ويضع ع الجسم ايضا
تجيبى شمع العسل اللى موجود فالعسل الابيض بيبقى فيه عسل ابيض من غير شمع لأ انتى بتجيبى العسل الابيض اللى بشمع انا كنت جايباه من فتح الله البرطمان الكبير ب 28 جنيه
الطريقة:
تاخدى قطعة صغيرة او متوسطة من شمع العسل اللى موجود بالعسل الابيض تسيحيه ع نار هادئة ولما يسيح تضعى ملعقة مسطحة من زيت الورد + ملعقة زيت اللوز الحلو زيقلبوا جيدا وتضعيهم فى علبه صغيرة وفالثلاجة
كيفيه الاستخدام قبل الاستخدام تقومى بل جسمك او يديك بالماء الساخن وتدعكى يديكى او جسمك بالماسك ده وتتركيه لمدة ساعة او ساعتين ثم يشطف بالماء البارد فقط
ولو حتعمليه لجسمك بتضعى قطعة كبيرة شمع عسل + ملعقة زيت ورد وليس ملعقة مسطحة + ملعقة زيت اللوز الحلو وتضعيه فالثلاجة وتستخدميه

* عمل سنفرة لليدين مرتين بالاسبوع لازالة الخلايا والجلد الميت وتنعيمهم تتكون من
ملعقة فازلين + سكر اخلطيهم جيدا وضعيهم ع اليدين وبطن اليدين وفركهم لمدة 10 دقائق ثم يشطفوا بالماء لازالة الجلد والخلايا الميتة ثم شطفهم بالماء البارد ثم وضع اللوسيون
رابعا الاظافر: لازم تعتنى باظافرك لتكون مهندبة ومبرودة وقوية وغير متقصفة وشكلها جميل ونظيفة وزى الفل عليكى القيام بالاتى :

ماسك لتغذية الاظافر
بنسب متساوية من عصير الليمون+ زيت النعناع+ زيت الافندر ووضعهم فى زجاجة صغيرة ويتم دهن وفرك كل ظفر بالماسك ده 3 مرات بالاسبوع

العناية بالأظافر
كل البنات بتبقى نفسها اظافر طويلة ونظيفة ومش بتتكسر ولا تتشقق
حتلاقى الحل معى :
الحل هــــو:
1) برد الاظافر بالمبرد بس يفضل مبرد خشبى مش معدنى تبردى اظافرك فى اتجاه واحد بالمبرد مش رايح جى عشان كده بيضعف الظفر اى تمسكى المبرد وتبردى من نحية اليمين الى منتصف الظفر ومن نحية الشمال الى منتصف الظفر فى اتجاه وااحد
2) وانتى بتغسلى المواعين وتسي ئى الارضية تحاولى تلبسى جونتى عشان يحمى اظافرك ويديكى خصوصا من الكيماويات مثل الكلور وبتبقى الاصابع من كتر غسيل المواعين تحسى الجلد فيها مكشكش مع ترطيب اليدين الكشكة دى حتروح ان شاء الله ولبس الجوانتى حاولى تتعلمى تلبسى جوانتى لان فى بنات صعب انها تتعامل بالجوانتى بس اتعلمى وشكلها غير ظريف وبعد المواعين لازم ترطبى يديكى واظافرك
3) سنفرة للأظافر عبارة عن ملح + سكر بنسب متساوية + ليمون وتقلبيهم جيدا وتضعيهم على كل ظفر باستخدام فرشة اسنان قديمة وتفرشى كل ظفر بالسكرب ده وتسبيه لمدة 10 دقائق ع الظفر ثم تشطفى اظافرك بالماء
ملحوظة هاااامة السكرب ده ينفع تعمليه للايدى والارجل والأظافر والجسم وللبشرة الدهنيه والمختلطة فقط وبتحسى بالفرق من اول استخدام والله تسبيه ع الايدى والأظافر لمده 10 دقائق وع الجسم لمدة من ربع الى نص ساعه وع البشرة الدهنيه والمختلطه لمدة 10 دقائق ممكن تجبيه كتجربة على يد واحدة فقط وحتحسى بالفرق مزايا سنفرة الملح والسكر والليمون ازالة الجلد الميت وتنعيم وتفتيح
4) وصفات لتقوية الأاظافر :
* تمسكى نص ليمونه وتدعكى بها فى كل ظفر وتسبيه تنشف
* تدفى زيت زيتون ع النار ازاى طريقة تدفئة اى زيت تمسكى طاسه وتدفيها ع النار وتشليها من ع النار ثم تضعى زيت الزيتون حيدفا تنقعى اظافرك به لمدة لابع ساعه ثم تعملى مساج للظفر عشان يتشرب زيت الزيتون فى حركات دائرية
* لو دعكتى الظفر بالثوم شوية وعشان رائحته تروح بعد كده تدعكى اظافرك بالملح الخشن عشان تشيل رائحة الثوم
* وضع زيت الخروع على كل ظفر
الوصفات تقوية الاظافر تعمليها من مرتين الى 3 مرات بالاسبووع
5) لا تبردى اظافرك وهى مبلولة عشان بتبقى ضعيفة

خامسا الاقدام :
الاهتمام بالقدمين للاسف فى بنات متزوجات وانسات قدميها ليس فيها اى اغراء وتبقى خشنة ومقشفة وفيها تشققات فى الكعبين والزوج لما يجى يهزر مع زوجته بالقدم يلاقى للاسف القدم خشنة وفى بنات لما زوجها يجى يهزر معها كده تبعد رجلها على طوووووول عشان مش يحس بالخشونة اللى بالقدم والكعبين :-)
احنا عايزين كل حاجة تبقى ناعمة 10 على 10 يا عرائس وخلى بالك القدم ممكن تكون لوحدها وسيلة اغراااااء لزوجك حتى لو مش واضعة مانيكير مع اظافر نظيفة زى الفل ومبرودة ومفيش جلد زائد نهائيا وقدم ناعمة زى الحرير مجرد ما نظرتى للقدم او اليدين تعرفى انها ناعمة منين من اللمعة خليكى ناعمة فى جسمك كله ابتداء من شعرك الى قدمك ولازززززم زوجك لما يجى يهزر معك ولا اى حاجة بيده يلاقيكى على طول ناعمة وليس لديكى اى جزء غامق او خشن الله يتمملكم على خير ان شاء الله
عليكى القيام بالأتى:
1- عمل سنفرة للقدمين مرتين بالاسبوع لازالة الخلايا والجلد الميت وتنعيمهم تتكون من
ملعقة فازلين + سكر اخلطيهم جيدا وضعيهم ع القدم كلها و كعب القدم واتركيها لمدة 10 دقائق ثم قومى بعد 10 دقائق بفرك وش القدم باليدين جيدا وتستخدمى مبرد كعب القدم او الحجر الخفاف لفرك كعب القدم
ثم تشطفى بالماء البارد ثم تنشفى قدمك بمنشفة جيدا وبين الاصابع

2- للتنعيم والتفتيح تضعى فى علبة جلسرين+ ليمون بنسب متساوية وتدعكى بها القدم كلها ماعدا كعب القدم
ولكعب القدم عليكى بالاتى
لاحمرار ونعومة كعب القدم
المقادير :
فازلين ممكن طبى بس يفضل من العطار + زيت زيتون + دم الغزال من العطار عبارة عن بودرة + علبة صغيرة

الطريقة:

تجيبى ملعقة فازلين كبيرة وتسيحها ع النار هادئة ولما تسيح تضعى ملعقة زيت زيتون + رشة دم غزال وتقلبيهم جيدا ثم تضعيهم فى العلبة الصغيرة شوية وحتلاقى الفازلين تماسك تستخدميه ع كعب الرجل يوميا وتلبسى كيس وفوق الكيس شراب لمدة ساعة وبعدين تقلعيه او تنامى بيه وتخلعيه صباحا

3- لكعب القدم الذى به تشققات ولازم تتحل قبل الزفاف
عليكى القيام بالأتى :
كريم لحماية القدم من التشقق
رجاءا لا تهملى قدمك وخصوصا كعب القدم عشان لم يوصل لدرجة التشقق
المقادير:
ملعقة كبيرة خميرة+ ملعقة كبيرة فازلين+ 3 ملاعق كبيرة عصير الليمون+ ملح خشن الطريقة: يمزج الخميرة مع الفازلين مع الليمون وتوضع ع كعب القدم مكان التشققات ثم تقومى بعمل المساج لكعب القدم لمدة ربع ساعه وتلبسى بعد كده كيس وفوق الكيس شراب لمده ربع ساعه ثم بعد الربع ساعة تنقعى قدمك فى اقصى مياه سخنه ثم ترفعى كل قدم وتضعى ع الكعب ملح خشن لتفركى كعب قدمك بها بالحجر الخفاف ثم تغسلى قدمك بالماء والصابون او الشاور جيل وتنشفيها جيدا وتضعى مرطب على القدم كلها ....مرة فالاسبووع
سادسا الجسم:
1-كريم لتفتيح المناطق الغامقة للجسم كله ما عدا البكينى ويعطى نعومة ورائحة حلوة ويقلل الشعر اللى فى الجسم ويعمل على توحيد لون الجسم والكريم ده اى شخص بيستخدمه الحمد لله بيلاقى نتيجة رهيبة
يستخدم قبل الحمام و 3 مرات فى الاسبوع لمده 3 شهور وبعد ال3 شهور تستخدميه مرة فى الاسبوع لتحافظى على ما توصلتى اليه من نتيجة تضعيه قبل الحمام ب 4 ساعات او قبل النوم ويشطف فى الصباح
مقاديره( تجيبى اى نوع من الصابون وتقومى بشره ويفضل صابون دوف والأفضل صابونة البابايا وبعد ما تبشوريه تضعيه فى حاجه ستانلس ثم تضعى عليه زجاجة ماء الورد وتغطيه لليلة واحده يعنى من الليل الى الصباح وتضعيه فى حمام مائى يعنى تجيبى حله وفيها ميه وتضعيها ع النار وتضعى الحاجة اللى ستانلس دى اللى بوشتى فيها الصابون مع ماء الورد جوة الحلة اللى فيها ماء فبكده تعملى ليه حمام مائى وتقلبيه لغايه مايبقى الخليط عامل زى الكريم كده ثم تضعى عليه الاضافات دى التى تعطى ليه رائحة حلوة وهى 4 ملاعق زيت زيتون+ 4 ملاعق جلسرين خام من العطار+ قبل ما يبرد شوية بعد شيله من ع النار تعصرى عليه ليمونه كبيرة) وتضعيه فى برطمان زجاج طريقة استخدامه وضعه ع الجسم كله قبل الحمام ب4ساعات او قبل النوم وتغسليه فى الصباح وتدعكى فى اتجاه الدورة الدموية بالليفةالمغربيه لما تيجى تغسليه وتاخدى الشاور بتاعك وبعده مباشرة بعد ما تشطفى جسمك تدهنى الجسم كله باللوسيون ده ما عدا البكينى لأن فيه ليمون حببتى واليمون غلط على منطقة البكينى خلى بالك مع عدم التعرض للشمس لأن الجلسرين والليمون لو اتعرضوا للشمس بيغمقوا ويسمروا والجلسرين لو استخدم لوحده بيسمر وانا بفضل تجيبى الجلسرين اللى عند العطار عشان خام حببتى ولونة ابيض شفاف وتقيل مثل الخروع ولو مش لقتيه عند العطار ينفع بتاع الصيدلية اصلى مش بحب بتاع الصيدليه لان عليه اضافات ولونة على اصفر شوية انا بحب الخام من العطار افضل حببتى واحسن ومش غالى رخيص يعنى مش ينفع تخرجى وانتى حاطة اللوسيون ده فالشمس عشان حيغمق ويسمر خلى بالك وزى ما قلت من قبل
اللوسيون هو
بنسب متساوية ( ماء ورد+ جلسرين+ ليمون) + ملعقة كبيرة من زيت المسك الأبيض
بتلاقيه عند العطار زيت المسك الابيض

وتضعى فى زجاجة زجاج فاتحة اللون
فائدة ماء الورد من الحاجات اللى بتنعش البشرة وتعطيها نضارة ،
الجلسرين من الحاجات اللى بتنعم ، الليمون من الحاجات اللى بتفتح ،
زيت المسك الأبيض بيعطى رائحة حلوة ويعمل على الحفاظ على التوازن العصبى لكى


2- سنفرة للجسم وحتحسى بنعومة رهيبة وتفتيح من اول استخدام تعااالى وعن تجربة شخصية
وكل لما شيلتى الجلد والخلايا الميته اول بأول حتلاقى الجسم نعم وفتح عشان من ضمن الحاجات اللى بتغمق الجسم وبيبقى فيه اماكن سودة تراكم الخلايا والجلد الميت فى كل جزء
والجلد والخلايا الميت بتبقى موجودة فى كل جزء مثل الجسم و الشفاه و الايدى والارجل والاظافر و القدم وكعب القدم والبشرة
عبارة عن ملح + سكر بنسب متساوية + ليمون وتقلبيهم جيدا
ملحوظة هاااامة السكرب ده ينفع تعمليه للايدى والارجل والأظافر باستخدام فرشة اسنان والجسم و البشرة الدهنية

والمختلطة فقط وبتحسى بالفرق من اول استخدام والله تسبيه ع الايدى والأظافر لمده 10 دقائق وع الجسم لمدة من ربع الى نص ساعه بس تضعفى المقادير عشان للجسم كله وع البشرة الدهنيه والمختلطه لمدة 10 دقائق ممكن تجبيه كتجربة على يد واحدة فقط وحتحسى بالفرق من اول استخدام والله والعظيم نعومة رهيبة وتفتيح مزايا سنفرة الملح والسكر والليمون ازالة الجلد الميت وتنعيم وتفتيح وازالة الحبوب الصغيرة الموجودة بالجسم بفعل الملح بس لما تيجى تضعى السكرب ده تضعيه والجزء اللى حتضعيه عليه يبقى ناشف مش مبلول وبعد لما تضعيه تسبيه الفترة اللى قولت عليها وبعدين تفركى ببطن يدك وتعملى مساج لكل جزء وتشطفيه بالماء فقط عن تجربة شخصيه تعمليه مرتين بالاسبوع
3- السويت تعمليها قبل الزفاف بيوم او يومين عشان لو فيه التهاب يهدا شوية

وعليكى بالاتى

بتعملى الحمام للجسم اولا وبعدين تزيلى شعر جسمك بالسويت ثانيا عشان يبقى سهل عليكى ازالة الشعر مثل الحمام المغربى وطريقته يا حلووين


كيفية عمل الحمام المغربى بالبيت :
تجيبى( ترمس مطحون + الصابون المغربى بيبقى بزيت الزيتون وبيبقى سائل او زى الكريم كده + عسل أبيض + ماء ورد + زيت لوز حلو
+ الليفه مغربية طبعا + طمى مغربى بيكون سائل او مكعبات المكعبات بتضعى حبة فى علبة بلاستيك وتذوبيهم فى شوية ماء ورد ليكون سائل)

الطريقه
تخلطى المكونات دول مع بعض ماعدا الطمى المغربى
تعملى الطمى المغربى فى حاجة بلاستيك اخرى
الطريقه بقى
تدخلى الحمام وتقفلى كل الشبابيك عشان ميبقاش فى مجال للتهوية عشان الحمام يبقى فيه بخار
وتستخدمى ميه سخنه اكثر درجة تتحمليها
عشان مسام جسمك يتتفتح بفعل البخار والميه السخنه
وتنقعى جسمك فى البانيو لمده ربع ساعه
وبعد ما تنقعى جسمك بالماء السخنه اكثر درجة تتحمليها المسام حتفتح بفعل البخار والماء الساخن ثم تفضى البانيو من الماء وتضعى السكرب ( مقادير الوصفة ) ده على جسمك واللى مش عنده بانيو يبل جسمه بالدش اقصى درجه حرارة سخنة مية يتحملها لمده تلت ساعه
كله
من نص ساعه الى ساعه الا ربع يعنى لما يشد  او يجف على جسمك شوية

لما تضعى السكرب ده على جسمك حتلاقى وانتى بتدعكى جسمك بيه بيديكى الاول عشان توزعيه حتلاقى طلع من جسمك حبة حاجات سودة كده مفرولة دى بقى الخلايا الميته اللى بالجسم ثم تجيبى الليفه المغربية وتكون خشنة شوية من حيث الملمس وتبليها بماء دافىء شوية ثم تدعكى جسمك كله من تحت لفوووووووق وتدعكى جامد ثم تشطفى جسمك كويس بالماء وانتى بتشطفى جسمك بالماء بتستخدمى الليفه المغربية عشان بتشيلى شوية من السكرب ده اللى موجود ع الجسم وبعد ما تشطفى جسمك كويس بتكونى طبعا مذوبة الطمى المغربى المكعبات فى شوية ماء ورد ليكون سائل او تستخدمى الطمى المغربى السائل وتضعى على جسمك كله ثم تنتظرى لمده نص ساعه لينشف ع الجسم ثم تشطفى جسمك بالماء فقط وياريت وانتى بتعملى الحماما لمغربى ده تكونى فى نفس الوقت بتفيدى شعرك تضعى على شعرك حمام كريم للتغذية او للتطريه الشعر



4- تفتيح البكينى فى خلال 15 يوم فقط + المؤخرة :




* وصفة لتبييض وتفتيح الأماكن الحساسة ( منطقه البكينى ) ومجربه جابت نتيجة هائلة لو استخدمتيها زى ما بقول مكوناتها
هى: ( كوب ماء ورد + نص كوب زيت زيتون + ملعقه ملح ناعم كبيرة + ربع كوب ماء + كوب بودرة أطفال ) الطريقه هى تضعى ع النار ربع كوب الماء وتذوبى فيه الملح ثم تضعى باقى المكونات وتقلبى لمده دقيقة واحدة فقط لا أكثر عشان لو قلبتى لأكثر من دقيقه زيت الزيتون بيفقد خواصه لو وضع النار ثم تضعيها فى علبة زجاج ولما تدفا شوية تضعيها على البشرة الخارجية لمنطقة البكينى وتنتظرى لغاية ماتنشف وتجف ثم تقومى بفركها ببطن يدك يوميا لمدة 15 يوم قبل الشاور بساعتين ولما توصللى للنتيجة مبهرة تعمليها يومين بالاسبوع ،
2- لتتخلصى من الشعر الزائد ويقل فى كل مرة بعد استخدام الحلاوة وتستخدمى الليمون فى المناطق التى تريدين ان يقل الشعر بها او وصفة ثانية لتقليل نمو الشعر فى كل مرة تجيبى الترمس وتنقعيه فى الماء لمدة 6 ساعات ثم تصفيه وتاخدى المية بتاعته تضعيها فى علبة رشاش وترشى بها على المناطق التى تريدين ان يقل الشعر منها تستخدميها يوميا مرتين فى اليوم لمدة اسبوعين وتضعى الزجاجة فى الثلاجة ...

. تحذير هااااااااااام جدااااااااااااااااااااا ممنوووووووووووووووع استخدام الموس وشمع العسل فى نزع الشعر خصوصا فى المنطقه البكينى وباقى اجزاء الجسم لأن استخدام الموس فى نزع الشعر يسبب السواد فى منطقة البكينى والشعر فى باقى الجسم تطلع الشعرة طخينه وسميكه ويسبب خشونه فى الجلد ويكون الشعر تحت الجلد مجدر مش تعرفى تنزعيه ابدااا ويسبب مشكلة ليكى كبيرة الرجاء استخدام الحلاوة فى نزع الشعر ووضع مخدر موضعى على المنطقه التى تريدين نزع الشعر منها قبل استخدام الحلاوة لو بتوجعك جدااا
والله ناس كتير جربوها جابت معاهم نتيجة بس تختلف من كل بنت لاخرى على حسب درجة الغمقان ولو بنوته درجة الغمقان عندها شديده تستخدمها يويما لاكتر من 15 يوم مثلا لشهر غير مضرة بتاااااتا



* ان المؤخرة من الاشياء التى تثير الزوج فيجب الاهتمام بها مثلها مثل باقى اجزاء الجسم

اولا اسباب غمقان وحبوب المؤخرة :

1- عدم تنشيف المؤخرة بفوطة صغيرة بعد التواليت يجب التنشيف من الامام للخلف وليس العكس وايضا عدم التنشيف يساعد فى وجود رائحة كريهه وغير مستحبة لان المنطقة تكون مبلولة وممكن يتكون بكتريا وفطريات
2- تكون الجلد والخلايا الميتة بالمؤخرة وعدم عمل تقشير وسنفرة لها دائما مثل الجسم
3- الجلوس لفترات طويلة على كرسى جلد
4- عدم ازالة الشعر من المؤخرة
5- وجود بكتريا وعدم علاجها
6- الجلوس فالبانيو لفترات طويلة

ثانيا ازاى نشيل شعر المؤخرة :
1- تحضرى سويت وتكون قطعة صغيرة مش كبيرة لان لو كبيرة حيبقى صعب تشيلى الشعر وممكن تسبب القطعة الكبيرة ترهل
2- تدهنى يديكى ببودة الاطفال وخصوصا البنات اللى يديها بتعرق
3- مرايا كبيرة عشان تشوفى شعر المؤخرة فين بالظبط وتشيليها
4- فوطة صغيرة وتبليها بالماء البارد وماء الورد عشان كل لما تيجى تنتهى من جزء صغير تمسحيه بالفوطة

الطريقة:
1- تضعى المخدر المموضعى سواء كان زيت قرنفل او معجون اسنان ولمدة 3 دقائق وتمسحيه وتشطفيه المنطقة بشوية ماء وفيها ملح تذوبيهم وتشطفى بها المنطقة للتطهير
والمخدر الموضعى بيقلل الم السويت شوية ولكن الكل بيحسب ان المخدر الموضعى بيمنع الم السويت ودى معلومة خطأ عندكم المخدر الموضعى بيقلل الم السويت شوية


2-ابدأي شيلي اول شي من فووق مش تفردي الحلاوة و تشدي عكس اتجاه الشعر .. لالالالا اقطعي قطة صغييييييييرة و افرديها على مساحة صغيررررة بعدين لا تشدي بعكس الشعر لا شديها من الجانب اليمين الى الجانب الشمال .. و صدقوني مش حتوجعكم نهاائى

3-بعد ما تخلصي من فوق .. استخدمي المراية و حطيها على كرسي مثلا و لفي ضهرك للمراية عشان تعملي من ورا ..
لمى تعملي من ورا ببقى عليكي الجزء الاكثر حساسية اللي في النص .. خليكي لافة ضهرك للمراية .. بعدين باعدي بين ارجللك و نزلي راسك لتحت على اساس انك تشوفي المنطقة الوسطى بواسطة المراية اللى هى بين المؤخرة من جوة و منطقة البكينى من ورا قصدى الجزء اللى ممكن ينام زوجك معك بيه من الخلف مش من الدبر اعوذ بالله فهمتوا قصدى حبيباتى .. فهمتو ازااااى ؟؟؟ يعني كانك قالبة راسك
و المهم انك تعملي قطع حلاوة صغيييييييييرة و تشدي المكان الي تحطي في الحلاوة
4- ولما تخلصى امسحى بالفوطة اللى عملاها بالماء البارد وماء الورد


ثانيا العناية بالمؤخرة من الالف للياء :

1- عمل سنفرة للمؤخرة لازاله الجلد الميت وتنعيمها وتفتيحها وازالة الحبوب تتكون من :
ملعقة ملح خشن+ جلسرين وليمون بنسب متساوية + ملعقة سكر+ ملعقة قهوة + زيت زيتون+ نشا + ملعقة صغيرة فازلين تخلطيهم جيدا مع بعض
فوائد مكونات السنفرة:
*الملح الخشن والسكر والقهوة للسنفرة والقهوة تعمل على ازالة السليولايت
*الجلسرين و الفازلين للتنعيم
*زيت الزيتون للترطيب اى لا يجعل الجلد جاف
*الليمون والنشا للتفتيح

2- بعد ان وضعتهيهم عالمؤخرة قبل ان تقومى ببل المؤخرة اى تضعيهم والمؤخرة ناشفة تنتظرى لمدة ربع ساعة وتدعكى بالليفة المغربيه كويس

3- تشطفى المؤخرة بالماء البارد كويس جداا ان الملح الخشن يساعد فى ازالة حبوب المؤخرة واازالة الجلد والخلايا الميتة اكيييييييييد

4- يجى دووور الترطيب ورائحتها الحلوة للمؤخرة ( كريم مرطب للمؤخرة فقط من صنع يديكى)
تقومى بتسيح ملعقتين كبار من الفازلين ع نار هادئة ثم تقومى بوضع ملعقة كبيرة ليمون+ ملعقة كبيرة جلسرين+ ملعقة كبيرة نشا+نص ملعقة زيت ورد+ نص ملعقة زيت لوز مر + نص ملعقة زيت برتقال هو زيت عطرى لان زيت البرتقال من الزيوت التى تساعد فى ازالة السليولايت + اى زيت عطرى ( اختيارى) اللى يعجبك ممكن لافندر او ياسمين او اى زيت عطرى يعجبك لاعطاء رائحة حلوة تقلبيهم جيدا وتضعيهم فى علبة وفالثلاجة وتستخدم لانها ايضا تساعد عالشد لان الحاجة الساقعة احنا عارفين بتساعد فى الشد
فوائد مكونات كريم الترطييب من صنع يديكى
*النشا والليمون وزيت اللوز المر للتفتيح
*زيت الورد لاعطاء رائحة حلوة وتفتيح لانه من الزيوت التى تساعد عالتفتيح
*الجلسرين والفازلين تنعيم
*زيت البرتقال من الزيوت التى تساعد فى ازالة السليولايت وزيت عطرىأيضا يعطى رائحة حلوة

5- بعد ما تنتهى من السنفرة تضعى الكريم المرطب ده ع المؤخرة فقط وليس البكينى لان فيها ليمون والليمون غلط عالبكينى ولما تخلصى الكريم تضعيه فى علبة صغيرة فالثلاجة ويستخدم

وطبعااااااااااااااااااااااااااا اى نوع سنفرة تعمليها لجسمك تضعيها عالمؤخرة ايضا خلى بالكوا وتدعكوا كويس


السنفرة تعمليها 3 مرات بالاسبوع والترطيب يوميااااااااااااا

5- عشان حتعملى كزا حاجة 3 مرات بالاسبوع تستخدمى الوصفة دى مرة بالاسبوع
وهى




بجد بجد انا مش عارفه اشكرك ازاى ولا اقوللك ايه انا جربت بجد الصنفره وهميه وكلمه تحفه قليله على النتيجه والنعومه بجد الله يبارك لك ومتشكره جدا على الوصفه الهايله دى جزاكى الله كل خير ولازم بجد ياجماعه تجربوها لانها تستحق التجربه
الكلام ده على لسانها وهى من المنتدى هنا ( فتكات) والوصفة هى


سكرب لجسم لامع



تعتبر سنفرة للجسم ومن انواع السنفرة الناعمة

المقادير:
3 ملاعق سكر بودرة اى مطحون
2 ملعقة زيت زيتون
زيت عطرى ( اختيارى)
الطريقة :
تضعى 3 ملاعق سكر البودرة + 2 ملعقة زيت الزيتون ليكون الملمس كريمى مثل الكريم ولو عايزة تضعى اى زيت عطرى ممكن تضعى نص ملعقة زيت عطرى اى رائحة تعجبك

بالنسبة للزيت العطرى :


الزيت العطرى ومش عليه اى اضافات ولا بتخففيه بحاجة بتستخدميه زى ماهو يا حبيباتى وانواع الزيوت اللى ممكن تستخدميها زيت ( مسك ابيض / عود/ ورد/ ياسمين/فل/ فيه انواع زيوت عطرية بروائح برفانات زى عند ايفون واوريفلام وماى واى / فى زيوت بروائح الفاكهة مثل زيت المشمش / زيت برتقال ) بس انا بفضل المسك الابيض عشان رائحتة بتدووم اطول فترة ممكنة دى بعض اسماء الزيوت العطرية فى بروائح كتيير تختارى الرائحة اللى تعجبك وتستخدميها

** والزيوت العطرية الاصلية اللى عند ابراهيم وعبد الصمد القرشى حبيباتى وبتبقى باحجام مختلفة وكل حجم له سعره من اصغر حجم لاكبر حجم بس بفضل يكون العطر اصلى والزجاجة بتقعد عندك لشهور على حسب استخدامك لها

طريقة الاستخدام:

بعد الشاور ويكون جسمك نضيف وزى الفل ومبلل بالماء تضعى السكرب ده ع جسمك لمدة تلت ساعة لغاية ما ينشف ويجف ويتشد ع الجسم ثم تفركى جسمك بيدك وبعدين تشطفى جسمك بالماء البارد فقط لقفل المسام وليحتفظ جسمك بالعطر بعد ان تشربته بشرة جسمك والمسام مفتوحة بعد ما فتحتى مسام جسمك بفعل البخار و الماء الساخن

6- الحمام العطرى بتعمليه بعد ما عملتى الحمام المغربى وقومتى بازالة شعر جسمك وبعد ما غسلتى جسمك بالسويت بتعملى الحمام العطرى ده يوم السويت ويوم زفافك صباحا قبل ما تروحى للكوافير وطريقته

** طريقه عمل الحمام العطرى لرائحة تدووووووووم للجسم وكيفيه تعطير منطقه البكينى للانسة والمتزوجة من الألف للياء
تعلمى ازاى تعمليه بنفسك ولنفسك فى البيت دوووووووووون الذهاب لأى كوافير
لكل بنت ولكل عروسه فرحها قرب بيعملوة لكل عروسة فرحها قرب فى اى الكوافير
الله يتمم لكم على خير باذن الله وعقبال البنات كلهم انشاء الله
اللهم بارك لهما وعليهما واجمع بينهما على خير وفى خير باذن الله

دى الطريقة الصحيحة للحمام العطرى حبيبااتى هو اصلا بتعمليه ومش بتضعى عليه اى اضافات ولا بتخففيه بأى حاجة


الطريقه
الحمام العطرى للجسم بتجيبى زيت مسك ابيض من ابراهيم القرشى او عبد الصمد القرشى او من العطار بس تشميه اللى عند العطار لو رائحته حلوة تجيبيه ولو مش حلوة تختارى رائحة تعجبك
ثم تضعى نقطه من زيت المسك الابيض بواسطة اللى تشبه سلاكه السنان لو حتجيبى من ابراهيم القرشى او عبد الصمد القرشى وتضعى على يديكى مثلا وتقومى بتوزعيه وتقومى بوضعه على كل جزء فى الجسم وتقومى بتوزعيه وطبعا وجسمك مبلول توزعيه ع الجسم لغايه ما البشرة تتشربه وتطلعى وتلبسى هدومك حتلاقى جسمك نظف بعمق ورائحته تدووووووووووووووم لمدة اسبوع ولو اخدتى شاور بعده الرائحة بتقل شويه ولو أنسه لسه تقومى بوضعه على البشرة الخارجية لمنطقه البكينى وتوزعيه كويس ولومتزوجه بتجيبى قطعه قطنه وتدخلى قطعة القطنه فى اول الفتحة وتمسحى اول الفتحه وتمسكى القطنه بيديكى وتسبيها جوة الفتحة لمده شويه وتقومى ايضا بمسح البشرة الخارجية لمنطقه البكينى وحمام الهنا يااااارب
وبكده الحمام العطرى خلص
بيعملوه لكل عروسه زفافها قرب
تقدرى تعمليه فالبيت معايا

دى يا بنوتات الطريقة الصحيحة للحمام العطرى بستخدمى الزيت العطرى ومش عليه اى اضافات ولا بتخففيه بحاجة بتستخدميه زى ماهو يا حبيباتى وانواع الزيوت اللى ممكن تستخدميها زيت ( مسك ابيض / عود/ ورد/ ياسمين/فل/ فيه انواع زيوت عطرية بروائح برفانات زى عند ايفون واوريفلام وماى واى / فى زيوت بروائح الفاكهة مثل زيت المشمش / زيت برتقال ) بس انا بفضل المسك الابيض عشان رائحتة بتدووم اطول فترة ممكنة دى بعض اسماء الزيوت العطرية فى بروائح كتيير تختارى الرائحة اللى تعجبك وتستخدميها

** والزيوت العطرية الاصلية اللى عند ابراهيم وعبد الصمد القرشى ش وبتبقى باحجام مختلفة وكل حجم له سعره من اصغر حجم لاكبر حجم بس بفضل يكون العطر اصلى والزجاجة بتقعد عندك لشهور على حسب استخدامك لها

سابعا الشفاه:
*من المعروووووووووووف انا العسل حبيبااتى مفيد جدااااااااااااااااااااا للشفاه وشمع العسل ايضا لو قمتى بمضغه يطهر الفم ويبعد البكتريا اذن معى شفايف رطبة وناعمة بدوون قشوووووور لازم 3 مرات فالاسبوع تزيلى الخلايا الميتة من على الشفاه بفرشة الاسنان من خلال عمل سنفرة للشفاه باستخدام سكر وزيت زيتون وتقشرى الشفاه 3 مرات بالاسبوع بفرشة الاسنان

*والبعد عن ترطيب الشفاه بالريق بتاعك بأن تمصى شفتاكى ده من أكبر الأخطاء لانها بتجعل الشفاه غير صحية وتكون قشور وممكن كمان تشققات بيبقى في الشفاه ز ى خطوط كده بالطول يجب التخلى والبعد عن كل الاساليب الخاطئة دى

*ابدئى معى الاعتناء بالشفاه لانها من أسباب جمالك أختى فالله
المكونات زبدة الكاكاو بالعسل من صنع يديكى :
شمع العسل اللى موجود بالعسل + عسل أبيض + زيت لوز حلو + علبة صغيرة

الطريقة :
تأخذى قطعة شمع العسل صغيرة وتذوبيها ع نار هادئة ولما تذوب تضعى ملعقة عسل أبيض وتذوبيهم جيدا معا ثم تضعى ملعقة زيت لوز حلو
وتشليهيهم من ع النار وتقلبيهم جيدا ثم تضعيهم فى العلبة الصغيرة وفالثلاجة حتلاقى تانى يوم تماسك وتستخدميه وتقفلى العلبة بعد كده رطبى شفايفاك بزبدة الكاكاو بالعسل قبل النوم يوميا

ثامنا الاسنان ورائحة الفم الكريهه:


*للاسف فى بنات بتبقى ريحة الفم كريهه جداا ومهما ما نظفت فمها بتفضل الريحة الكريهه فالفم :-)

اولا: الاهتمام برائحة الفم لانها بتكون كريهه جداااااااااااااا وبالتالى بتجعل الزوج ينفر منك وبتكون احد اسباب الطلاق الله يسعدكم ويخلى ليكم ازواجكم ان شاء الله

تعالى دلوقتى نقضى ع الرائحة الكريهه للفم ونعرف ازاى نهتم بالاسنان ونقوم بتبيض الاسنان بوصفات طبيعية

* القضاء على رائحة الفم الكريهه:
1- ضرووووورى الذهاب لطبيب مختص عشان ممكن تكون رائحة الفم الكريهه سببها التهابات فى اللثة او تكون ضرس العقل وبيبقى ضرس العقل الضرس رقم 8 ففرشة الاسنان مش بتنظفه كويس او مش بتنظفى اسنانك كويس فبقايا الاكل بتتراكم فى الاسنان وجناب الاسنان فبتالى بتكون ريحة كريهه للفم او عدم تنظيف اللسان فبيتكون على اللسان بكتريا وفطريات
2- استخدام مضمضة ميرديول للفم Merdiol من الصيدليه لانها تقتل البكتريا والفطريات بالفم
3- طحن القرنفل ليكون بودرة وتضعيه فى علبة صغيرة وتقومى ببل الفرشاة وتغمسيها فى القرنفل المطحون وتغسلى بها أسنانك و الفم فان القرنفل يعمل على اعطاءك نفس منعش وايضا ازالة الأم اللثة
4- اصنعى بيديكى مضمضة طبيعية لقتل البكتريا والفطريات بالفم وتعتبر مطهر طبيعى للفم بأكمله
كوب ماء وتذوبى فيه ملعقة فم وتترغرى بيه لمدة من 3 الى 5 دقائق

5- فى الصيدليه زى زجاجة رشاش او بخاخة لتعطير الفم و لتغير رائحة الفم ولنفس منعش وبتبقى بالنعناع وبأى طعم تريديه ومعروفة خليها معاكى على طوول

* لتبيض الاسنان وتستخدميها مرتين الى 3 مرات بالاسبووع قبل استخدام معجون الاسنان:
تتضعى ع الفرشاة عسل أبيض وفوقها معجون الاسنان وتدعكى بها أسنانك ثبت فعليا ان الوصفة دى فعالة لتبيض الاسنان لاسنان صانعة البياض + معجون الاسنان المبيض
و طحن المريمية لتصبح بودرة وتدعكى الاسنان بها فالمريمية تطهرة الفم وتجعل له نفس منعش وايضا تقاوم التسوس

وبكده النصائح للعروس انتهت من الشعر الى القدم
والله يتمم لكم ولنا على خير وفى خير ويجمع بينكم بالخير دائما ويرزقكم ويرزقنا اجمعين بالذرية الصالحة المعافاه ان شاء الله
اوعوا تنسوا تقييموا الموضوع عشان بالاقى 3 ساعات بكتب فيه وتعبت فيه والله احسن ازعل واتعارك معاكم ههههههه
:-):-):-):-):-)
فى حفظ الله

:-)معكم خبيرة التجميل بالوصفات الطبيعية :-)
وئــــام حــســان